Nafarroako gastronomiaren plater tradizionalenek euren zapore guztia azaltzen dute buztinezko kazolatan
Nafarroako kazolatxoaren eta ardoaren XVI. astea urriaren 6tik 15era bitartean ospatuko da, 46 establezimenduren parte-hartzearekin. Aukera ezin hobea Nafarroara etorri eta sukaldaritza tradizionalena dastatzeko.
Nafarroako kazolatxoaren eta ardoaren astea udazkenean Foru Erkidegoko egutegi gastronomikoan ezinbesteko hitzordu bihurtu da. Hamaseigarren edizioa urriaren 6an hasiko da eta hamar egun geroago amaituko da, urriaren 15ean. Bertan 46 establezimenduk hartuko dute parte (39 Iruñean daude eta besteak Huarte, Arantza, Zizur Nagusia, Sarriguren, Igantzi, Gorraiz eta Erriberrin).
Aukera ezin hobea da Nafarroara etortzeko eta bertako sukaldaritzaren izaera ezagutzeko, buztinezko kazola tradizionaletan zerbitzatutako eltzeko aperitibo zaporetsuak dastatuz, eta bertako produktuekin hobekien uztartzen diren Nafarroako Jatorri Deitura duten ardoekin.
46 establezimendu horietako bakoitzak kazolatxo bat egingo du eta 2,30 euroan salduko da, eta jakirik onenak sarituko dituen lehiaketan parte hartuko dute. Kazolatxo horietatik % 57 zeliakoentzako egokiak dira.
Nafarroako Ostalaritza eta Turismo Elkarteak antolatzen du Kazolatxoaren eta ardoaren astea, eta Nafarroako Gobernuaren Turismo eta Merkataritza Zuzendaritza Nagusiaren lankidetza du.
Informazio gehiago lortzeko:
Daniel Gil Larráyoz
640 284 366
